Jo, das isch dr Werni mit sinere Chrischtin im Johr 2010.
Im Camping- und Badi Areal in Kaiseraugscht het Desert Wind damals e Gig ka und die beide Königs sin im Publikum gsässe.
Do gseht me dr Werni mit minere Gitarre Musicman Signature Modell Luke.
Also die Gitarre vom Steve Lukather vo dr Band Toto. Übrigens isch die Gitarre vom Luke persönlich signiert worde
uf dr hintere Saite-Abdeckig.
Dr Werni het damals d' 9-Volt Batterie an dere Gitarre us gewechslet.
Usserdem het er churzfrischtig au dr Lutschprecher vom Quadral-PA wieder funktionsfähig gmacht.
Damals isch dr Neutrik XLR Stecker am Aschluss z'heiss worde und het
e Wackelkontakt an dr XLR Steckdose verursacht.
Eso isch Desert Wind in dr Lag gsi, dä Gig chönne z'spiele ohni technischi Problem.
Dr Werni het ebe au Elektroinschtallatione im Innere und usse am Huus gmacht, Viele herzliche Dangg Werni!!!
Liebe Werni, es het mega Spass gmacht, dir bim installiere e weneli z'helfe.
Ich, mit em grosse Meischter & Fachmaa.
Dr Werni, ebe e ruhende Pol und e Fels in dr Brandig.
I möcht dir uf dem Weg eifach nomoll herzlich dangge säge, dass du das möglich gmacht hesch.
Mit hän scho einiges zämme erlebt,
Ziit goht so schnell verbii, die schöne Erinnerige dra, die bliibe,
Pit 27. Mai 2024
